Chësc setëmber metarái a jí LASSÖ – N conzert por te, mi proiet musical nü. Ti proscimi agn – adöm cun d’atri musizisć – me portarál te posć tles Dolomites, olache zacai á pordü na porsona amada.

En domënia ai 17 de setëmber 2023 nes incuntunse dan la ütia Franz Kostner söl Valun. Dales 11:15 piunse ia deboriada devers de n post spezial dlungia la ütia. N cuintet d’archëc sonará por recordé Marco, Franz, Luca y Andreas – lapró na composiziun nöia ispirada ala ciantia ladina “Oh munts y vals ladines” de Iaco Ploner.

​

Pro vigni vare lasciarunse na pedia de recort, y ince n sëgn de respet por la grandëza dla natöra. Fá pert de LASSÖ y sostëgn me y i musizisć che fej pert de chësc proiet tres tüa pedia personala de lian cun na spënora.